Մենք ունենք պարզ նպատակ՝ հաղթել քաղաքապետի և ավագանու ընտրություններում բոլոր 64 համայնքներում, ոչինչ չի կարող խանգարել դրան,- ասել է Վրաստանի վարչապետ Իրակլի Կոբախիձեն Աջարիայի հանրային հեռարձակողի «Ազատ տարածք» հաղորդման ժամանակ։

Կառավարության ղեկավարի խոսքով՝ ցանկացած կոնֆիգուրացիայի դեպքում «Վրացական երազանքը» կհաղթի և՛ քաղաքապետի, և՛ ավագանու ընտրություններում։

«Մենք ակնկալում ենք ավելի բարձր տոկոս, քան ունեցել ենք նախորդ ընտրություններում։ Այդ ժամանակ մենք երկրում ստացանք 54.5%, և կարծում եմ, որ ստեղծված իրավիճակում կարող ենք ստանալ առնվազն 2%-ով ավելի։ Այնուամենայնիվ, ընտրարշավը կսկսվի, և հնարավոր է արդյունքն ավելի մեծացնել։ Սա նույնպես կախված կլինի կոնֆիգուրացիայից, չնայած այս կոնֆիգուրացիան որևէ էական փոփոխություն չի մտցնի արդյունքների մեջ։ Մենք ունենք պարզ նպատակ՝ հաղթել քաղաքապետի և ավագանու ընտրություններում բոլոր 64 համայնքներում։ Ոչինչ չի կարող խանգարել դրան։ Բոլոր 64 համայնքներում, ցանկացած կոնֆիգուրացիայի դեպքում, մենք կհաղթենք և՛ քաղաքապետի, և՛ քաղաքային խորհրդի ընտրություններում։ Ընդհանուր վարկանիշը նույնպես թույլ է տալիս մեզ ասել դա», – ասել է վարչապետը։