Իրակլի Կոբախիձե. Մենք ունենք արժանի դեսպաններ, ովքեր ամեն ինչ անում են մեր ազգային շահերը պաշտպանելու համար, ես շնորհակալություն եմ հայտնում յուրաքանչյուր դեսպանի անցյալ տարի արած ամեն ինչի համար
Մենք ունենք շատ արժանապատիվ դիվանագիտական կորպուս, շատ արժանապատիվ դեսպաններ, որոնք առավելագույն հնարավորություններով աշխատում են մեր ազգային շահերը պաշտպանելու համար։ Այդ պատճառով ցանկանում եմ շնորհակալություն հայտնել յուրաքանչյուր դեսպանի՝ այն ամենի համար, ինչ նրանք արել են անցած տարվա ընթացքում, – լրագրողներին հայտարարել է Վրաստանի վարչապետ Իրակլի Կոբախիձեն։
Հարցին, որը վերաբերում էր հաջորդ տարվա կանխատեսումներին, Իրակլի Կոբախիձեն նշել է, որ շատ բան կախված կլինի գլոբալ գործընթացներից։
«Շատ բան կախված կլինի գլոբալ գործընթացներից՝ ինչպես կզարգանան գործընթացները Եվրամիությունում, ինչպես կզարգանան գործընթացները ԱՄՆ-ում, ինչպես կզարգանան Ուկրաինայի պատերազմի հետ կապված գործընթացները։ Մենք կշարունակենք ակտիվ աշխատանքը՝ մեր ազգային շահերը պաշտպանելու համար, ինչը հաջողությամբ արել ենք նախորդ տարիներին և կշարունակենք անել առաջիկա տարիներին ևս», – հայտարարել է վարչապետը։
