Վրաստանը և Հունգարիան կապված են բացառիկ սերտ համագործակցությամբ։ Հունգարիան Վրաստանի հատուկ կողմնակիցն է ինչպես մեր պետականության զարգացման, այնպես էլ Վրաստանի եվրոպական ձգտումների առումով,- Միլանում վրացի լրագրողներին ասել է Վրաստանի վարչապետ Իրակլի Կոբախիձեն։

Նրա խոսքով՝ Բուդապեշտում կայանալիք հանձնաժողովի նիստում կքննարկվի ինչպես քաղաքական, այնպես էլ տնտեսական համագործակցությունը։

«Մեզ համար հատուկ նշանակություն ունի հարաբերությունների հետագա զարգացումը, և, իհարկե, Բուդապեշտում կայանալիք հանձնաժողովի նիստը կծառայի երկկողմ համագործակցության հարցերի քննարկմանը։ Մենք կքննարկենք ինչպես քաղաքական, այնպես էլ տնտեսական համագործակցությունը և համագործակցության այլ ոլորտներ։ Մենք կշարունակենք հատուկ ուշադրություն դարձնել հարաբերությունների զարգացմանը», – ասել է վարչապետը։