Այսօր իրավիճակը բարդ է, բայց մենք հնարավորինս ակտիվ կաշխատենք դաշինքին մերձենալու և մեր միջև գործընկերությունը խորացնելու համար,- Բրյուսելում լրագրողներին ասել է Վրաստանի վարչապետ Իրակլի Կոբախիձեն։

Նրա խոսքով, ճիշտ է, այս փուլում եվրաինտեգրման առումով իրավիճակը բարդ է, բայց ամեն ինչ պետք է անել, որպեսզի լիարժեք ինտեգրման վերաբերյալ սկզբունքային որոշում կայացվի համապատասխան պայմաններում։

«Իհարկե, խորհրդակցությունները կշարունակվեն։ Մեզ համար սկզբունքորեն կարեւոր է գործընկերության խորացումը եւ, իհարկե, ամեն ինչ անելու ենք, որ այս առումով առավելագույն առաջընթաց գրանցենք, մնացածը աշխատանքային գործընթաց է։ Իհարկե, այս փուլում իրավիճակը բարդ է, քանի որ Ուկրաինայում պատերազմը շարունակվում է, ինտեգրման առումով իրավիճակը բարդ է, իրավիճակն այսօր հասուն չէ, որ նման որոշումներ կայացվեն, սակայն, իհարկե, պետք է նայել առաջ և ամեն ինչ պատրաստեք, որ ի վերջո, մի խոսքով, երբ դրա համար համապատասխան պայմաններ ստեղծվեն, մենք նման որոշում կայացնենք, սկզբունքային որոշում լիակատար ինտեգրման վերաբերյալ։ Ներկայում այս առումով բարդ իրավիճակ է, սակայն ևս մեկ անգամ կրկնեմ, որ մենք հնարավորինս ակտիվ կաշխատենք դաշինքին մերձենալու և մեր միջև գործընկերությունը խորացնելու համար»,- ասել է Իրակլի Կոբախիձեն։