Հանդիպմանը մենք նաև քննարկեցինք առևտրային, տնտեսական և ոլորտային համագործակցությունը։ Նշվեց, որ այս ուղղությամբ կա մեծ ներուժ, որը պետք է լիարժեքորեն օգտագործվի,- Սերբիայի նախագահ Ալեքսանդր Վուչիչի հետ համատեղ ճեպազրույցի ժամանակ հայտարարել է Վրաստանի վարչապետ Իրակլի Կոբախիձեն։

Նրա խոսքով՝ ողջունելի է Վրաստանի և Սերբիայի կառավարությունների միջև ազատ առևտրի համաձայնագրի շուրջ աշխատանքների ընթացքը։

«Պետք է նշել, որ մենք մեծ առաջընթաց ենք գրանցել այս գործընթացում, կան մի քանի հարցեր, որոնց շուրջ պետք է համաձայնեցվի, և դրանից հետո երկու կողմերն էլ պատրաստ կլինեն ստորագրել ազատ առևտրի համաձայնագիր, որը փոխադարձաբար օգտակար կլինի մեր երկրների տնտեսական զարգացման, ինչպես նաև մեր երկրների միջև տնտեսական կապերի հետագա խորացման համար։ Այս համաձայնագիրը նոր հնարավորություններ կստեղծի բիզնեսի համար, կնպաստի երկրների միջև առևտրաշրջանառության աճին, կներգրավի ներդրումներ երկու կողմերին և տնտեսական հարաբերությունները կտեղափոխի նոր փուլ։

Մենք նաև քննարկեցինք տրանսպորտային և լոգիստիկ կապերի զարգացման կարևորությունը։ Վրաստանը Միջին միջանցքի անբաժանելի մասն է, և մենք պատրաստ ենք խորացնել մեր գործընկերությունը Սերբիայի հետ՝ Եվրոպայի և Ասիայի միջև տարանցիկ և առևտրային ներուժը լիարժեքորեն օգտագործելու համար», – ասաց վարչապետը։