Մտածում ենք, որ այս տարի կունենանք ավելի քան 6% տնտեսական աճ, – այս մասին լրագրողների հետ զրույցում հայտարարել է Վրաստանի վարչապետ Իրակլի Կոբախիձեն՝ պատասխանելով Ասիայի զարգացման բանկի տնտեսական աճի կանխատեսման վերաբերյալ հարցին։

Վարչապետի խոսքով՝ տնտեսական աճի կանխատեսումները նախկինում էլ շատ ավելի ցածր էին, սակայն երկիրը միշտ գերակատարել է ծրագիրը։

«6%–ը նախնական կանխատեսում է, սակայն տարվա առաջին երկու ամսվա ցուցանիշը շատ ավելի բարձր է՝ 9.4%։ Այդ իսկ պատճառով մենք հիմնավոր հույս ունենք, որ 6%-ից զգալիորեն կգերազանցենք։ Սա եղել է նաև նախորդ տարիներին՝ կանխատեսումները եղել են շատ ավելի ցածր, իսկ հետո մենք գերազանցել ենք պլանը։ Կարծում ենք, որ դա այս տարի նույնպես հնարավոր կլինի։ Կարծում ենք, որ այս տարի կունենանք ավելի քան 6% աճ։ Դրա համար հասարակությանը կներկայացնենք նաև լրացուցիչ նախաձեռնություններ», – հայտարարել է վարչապետը։