Մայիսի 9-ին Եվրոպայի օրվա տոնակատարությունը խորհրդանշական է, լրագրողներին ասել է Վրաստանի վարչապետ Իրակլի Կոբախիձեն։

Ինչպես նշել է վարչապետը, մայիսի 9-ը Եվրոպայի պատմության մեջ նոր դարաշրջանի յուրօրինակ մեկնարկային կետ էր, երբ հումանիզմը դարձավ Եվրոպայի համար որոշիչ սկզբունք։

«Մինչ այդ Եվրոպան անցել է բազմաթիվ դժվար պատմական գործընթացների միջով, և հենց 1940-ականների վերջից հումանիզմը դարձել է Եվրոպայի հիմնական որոշիչ սկզբունքը։ 60 տարի շարունակ այս սկզբունքները ամուր հիմք են հանդիսացել Եվրոպայի զարգացման համար։ Վերջին միտումները ցավալի են, բայց մենք պետք է հույս ունենանք, որ այդ միտումները կշրջվեն, և Եվրոպան կրկին կկանգնի բարգավաճման աճի և իր ինքնության պաշտպանության ուղու վրա, ինչը շատ կարևոր է մեզանից յուրաքանչյուրի համար։ Եվրոպան միշտ էլ մեզ համար առանձնահատուկ արժեք է ունեցել, քանի որ հենց Եվրոպայում է Վրաստանը ավանդաբար տեսել քրիստոնեական արժեքների պաշտպանության երաշխիք։ Հուսով եմ, որ այն սկզբունքները, որոնց վրա Եվրոպան հիմնադրվել է 1940-ականներից հետո, կրկին կվերադառնան եվրոպական օրակարգ և կրկին կդառնան որոշիչ գործոններ եվրոպական օրակարգի և Եվրոպայի զարգացման համար», – ասել է վարչապետը։