Հատուկ շնորհակալություն «Լիբերթի բանկ»-ին, որը դրսևորեց բարձր սոցիալական պատասխանատվություն և որոշում կայացրեց նվազեցնել կենսաթոշակառուների վարկերի տոկոսադրույքը,- այս մասին Վրաստանի վարչապետ Իրակլի Կոբախիձեն հայտարարել է կառավարության այսօրվա նիստում։

Իրակլի Կոբախիձեն խնդրել է կառավարության համապատասխան անդամներին շարունակել բանակցությունները՝ նորացված պայմանները հստակեցնելու համար։

«Ինչպես գիտեք, անցած շաբաթվա ընթացքում մենք բանակցում էինք Ազգային բանկի և «Լիբերթի» բանկի ղեկավարների հետ՝ կենսաթոշակառուների կենսաթոշակի նվազեցման վերաբերյալ։ Հատուկ շնորհակալություն եմ ուզում հայտնել «Լիբերթի բանկին», որը դրսևորեց բարձր սոցիալական պատասխանատվություն։ Մենք հասկանում ենք, որ բանկն առաջին հերթին ունի կոմերցիոն շահեր, բայց միևնույն ժամանակ բանկը դրսևորեց բարձր սոցիալական պատասխանատվություն և որոշում կայացրեց մի քանի տոկոսային կետով նվազեցնել գործող տոկոսադրույքը։ Ես կցանկանայի կառավարության համապատասխան անդամներին խնդրել շարունակել բանակցությունները, որպեսզի վերջնականապես հստակեցվեն մեր թոշակառուների համար նորացված պայմանները և հանրությանը մանրամասն տեղեկատվություն տրամադրեն նոր տոկոսադրույքի մասին»,- ասել է Իրակլի Կոբախիձեն։