Վրաստանի և Ղազախստանի միջև քաղաքական համագործակցությունը շատ կարևոր է, հայտարարել է Վրաստանի վարչապետ Իրակլի Կոբախիձեն Ղազախստանի նախագահ Կասիմ-Ժոմարտ Տոկաևի հետ հանդիպման ժամանակ։

Ինչպես նշել է Իրակլի Կոբախիձեն, Ղազախստանի հետ գործընկերության ամրապնդումը Վրաստանի արտաքին քաղաքականության առաջնահերթություններից է։

«Պարոն նախագահ, ինձ համար մեծ պատիվ է այցելել Ղազախստան։ Շատ շնորհակալ ենք մեզ ձեր երկրում հյուրընկալելու համար: Սա իմ առաջին այցերից մեկն է խորհրդարանական ընտրություններից հետո, որը ցույց է տալիս մեր հատուկ հետաքրքրությունը մեր երկրների և ժողովուրդների միջև համագործակցության, գործընկերության և բարեկամության ամրապնդման հարցում։ Այս բարեկամությունը հիմնված է շատ ամուր պատմական, ավանդական արմատների վրա։ Այնպես որ, այդ գործընկերության ամրապնդումը Վրաստանի արտաքին քաղաքականության առաջնահերթություններից է։ Մեզ համար շատ կարևոր է քաղաքական համագործակցությունը մեր երկրների միջև։ Ցանկանում եմ շնորհակալություն հայտնել անձամբ Ձեզ և Ղազախստանին մեր ինքնիշխանությանն ու տարածքային ամբողջականությանը աջակցելու համար։ Շատ կարևոր է նաև մեր քաղաքական համագործակցության հետագա խորացումը տարբեր ձևաչափերով։ Մենք շատ ուրախ կլինենք, եթե դուք այցելեիք մեր երկիր»,- ասել է Իրակլի Կոբախիձեն։