Չնայած եվրոպական բյուրոկրատիայի կողմից եկող անարդարությանը, մենք համբերատար սպասում ենք առաջընթացի հնարավորությանը և, իհարկե, կօգտագործենք այս ուղղությամբ ցանկացած հնարավորություն,- լրագրողներին ասել է Վրաստանի վարչապետ Իրակլի Կոբախիձեն։

Կառավարության ղեկավարի խոսքով՝ Վրաստանի կառավարությունը ընտրել է ռազմավարական համբերության քաղաքականություն։

«Կարծում եմ, որ 2026 թվականը կարող է շրջադարձային լինել տարբեր առումներով, այդ թվում՝ միջազգային քաղաքական ասպարեզում։ Սպասենք իրադարձությունների զարգացմանը։ Մենք ընտրել ենք ռազմավարական համբերության քաղաքականություն։ Չնայած եվրոպական բյուրոկրատիայի կողմից եկող անարդարությանը, մենք համբերատար սպասում ենք առաջընթացի հնարավորությանը և, իհարկե, կօգտագործենք այս ուղղությամբ ցանկացած հնարավորություն», – ասել է Իրակլի Կոբախիձեն։