«Վրացական երազանք» կուսակցության նախագահ Իրակլի Կոբախիձեն ցավակցում է բուժքրոջ մահվան կապակցությամբ և վշտակցում ընտանիքին, հարազատներին և բժշկական հանրությանը:

Միևնույն ժամանակ, ցավակցություններին զուգահեռ, Կոբախիձեն իր երախտագիտությունն է հայտնել մահացած բուժքրոջը՝ մարդկանց առողջապահության ոլորտում անխոնջ ծառայության համար:

«Ես իմ խոր վիշտն եմ հայտնում երիտասարդ բուժքրոջ՝ Մեգի Բաքրաձեի մահվան կապակցությամբ: Ցավակցում եմ նրա ընտանիքին, ընկերներին, մտերիմներին և բժշկական հանրությանը: Ցավակցելով՝ ես կցանկանայի իմ երախտագիտությունը հայտնել Մեգիին, ով անխոնջ ծառայեց մարդկանց առողջության պահպանման գործին», – ասաց Իրակլի Կոբախիձեն:

Այս պահին առկա տեղեկատվության համաձայն, Ախալցխայի «Իմեդի» կլինիկայում 27-ամյա բուժքրոջ «Աստրազենեկա» պատվաստանյութով պատվաստումից հետո անաֆիլակտիկ ցնցում է դիտվել: Երեկ բուժքույրը տեղափոխվել է Թբիլիսիի առաջին համալսարանական կլինիկա, սակայն նրան փրկել չի հաջողվել: