Ջեֆրի Սաքսը իսկական ինտելեկտուալ է և անկախ է. նա անկախ վերլուծություն է անում այն գործընթացների վերաբերյալ, որոնք առնչվում են մեր երկրի զարգացմանը։ Այսպիսով, նրա գնահատականները օբյեկտիվ են, – այս մասին Անթալիայում վրացի լրագրողներին հայտարարել է Վրաստանի վարչապետ Իրակլի Կոբախիձեն։

Ինչպես նշել է Կոբախիձեն, Ջեֆրի Սաքսը հարգում է Վրաստանի անկախությունն ու սուվերենությունը։

«Ջեֆրի Սաքսը հարգում է մեր երկրի անկախությունը, մեր երկրի սուվերենությունը և խոսում է այն մասին, որ քաղաքական գործիչների վերաբերմունքն էլ պետք է նման լինի մեր երկրի նկատմամբ։ Սրանք են նաև մեր ուղերձները – բոլորը պետք է հարգեն Վրաստանի սուվերենությունը, անկախությունը, խաղաղությունը և անվտանգությունը մեր երկրում։ Սրանք մեր հիմնական շահերն են։ Սա, առաջին հերթին, վրացի ժողովրդի շահն է, և բոլորը պետք է հաշվի առնեն վրացի ժողովրդի շահերը», – հայտարարել է Իրակլի Կոբախիձեն։