«Կարևոր է վերսկսել հարաբերությունները և՛ ԱՄՆ-ի, և՛ ԵՄ-ի հետ: Բիձինա Իվանիշվիլիի և ԱՄՆ դեսպանի միջև արդեն համաձայնեցված է հանդիպում, որը անպայման տեղի կունենա ընտրություններից անմիջապես հետո», լրագրողներին ասել է Վրաստանի վարչապետ Իրակլի Կոբախիձեն։

Ինչպես նշել է կառավարության ղեկավարը, Բիձինա Իվանիշվիլիի և ԱՄՆ դեսպանի հանդիպումը կօգնի վերականգնել հարաբերությունները։

«Մեզ համար սկզբունքորեն կարևոր է վերսկսել հարաբերությունները թե՛ ԱՄՆ-ի, թե՛ Եվրամիության հետ։ Ուստի՝ բոլորս ուրախ ենք, որ Բիձինա Իվանիշվիլիի և ԱՄՆ դեսպանի միջև արդեն համաձայնեցված է այս հանդիպումը, որը անպայման տեղի կունենա ընտրություններից շատ շուտով։ Վստահ եմ, որ այս հանդիպումը կօգնի վերականգնել հարաբերությունները։ Մենք ամեն ինչ անում ենք և անելու ենք դրա համար, գլխավորն այն է, որ տեսնենք հաջորդ քայլերը։ Վստահ եմ, որ այս հանդիպումը շատ արդյունավետ կլինի հարաբերությունների վերսկսման առումով»,- ասել է վարչապետը։