«Այսօրվա իրավիճակն այնպիսին է, որ «Ազգային շարժում»-ը հասել է 15 տոկոսի, մյուս կուսակցությունները չեն կարողանում հաղթահարել այդ պատնեշը»,- ասել է Վրաստանի վարչապետ Իրակլի Կոբախիձեն։

Իրակլի Կոբախիձեին հարցրել են «Քաղաքացիներ» կուսակցության առաջնորդ Ալեկո Էլիսաշվիլիի նախաձեռնության մասին, որտեղ Էլիսաշվիլին նշել է, որ առաջարկում է զրուցել «Լելոյի», Գախարիայի կուսակցության, «Գիրչի», Անա Դոլիձեի և մի քանի այլ անկուսակցականների հետ միավորման ուղիները։

Ինչպես հայտարարեց վարչապետը, այսօրվա դրությամբ «Վրացական երազանք»-ն ունի սահմանադրական մեծամասնություն։

«Այսօր վիճակն այնպիսին է, որ «Ազգային շարժում»-ը հասել է 15 տոկոսի, նախկինում 18 էր, հիմա 15 տոկոսից ցածր է։ Մյուս կուսակցությունները չեն կարողանում հաղթահարել պատնեշը։ Կարծում եմ, որ մոտավորապես այս վիճակում ենք հասնելու խորհրդարանական ընտրություններին։ Մնացել է յոթ ամիս, և ցանկալի պատկերն այն է, ինչ այսօր ունենք, այս պատկերով մենք կստանանք սահմանադրական մեծամասնությունը»,- ասել է Իրակլի Կոբախիձեն։