«Ռադիկալ ընդդիմության ներսում առկա են տարաձայնություններ, հասարակությանը փոխանցվում են միմյանցից կտրուկ տարբեր ուղերձներ։ Սա լավ է, որպեսզի մենք ի վերջո կարողանանք հանգստացնել հասարակությունն ու երկիրը, սա է մեր հիմնական խնդիրն», – այս մասին հայտարարել է Վրաստանի վարչապետ Իրակլի Կոբախիձեն՝ լրագրողի այն հարցին ի պատասխան, որն առնչվում էր Գիորգի Գախարիայի դիրքորոշմանը հոկտեմբերի 4-ի վերաբերյալ։

Կառավարության ղեկավարը նշել է, որ այս գործընթացը, վերջնական արդյունքում, հանգստացնելու է երկիրը, և իշխանությունը հնարավորինս կաջակցի այդ նպատակին։

«Ռադիկալ ընդդիմության ներսում կան տարաձայնություններ, և նրանք հասարակությանը փոխանցում են միմյանցից կտրուկ տարբերվող ուղերձներ։ Սա դրական է, որպեսզի մենք ի վիճակի լինենք հանգստացնել թե՛ հասարակությունը, թե՛ երկիրը։ Սա է մեր հիմնական նպատակը։ Սա այն ճիշտ գործընթացն է, որը վերջում կբերի երկրի հանդարտեցմանը։ Սա է մեր խնդիրն, ու մենք դրան կաջակցենք հնարավորինս», – նշել է Իրակլի Կոբախիձեն։

«Գախարիա՝ Վրաստանի համար» կուսակցության նախագահ Գիորգի Գախարիան մեկնաբանել է, որ «ընտրական բոյկոտից հետո հոկտեմբերի 4-ին հեղափոխության և խաղաղ տապալման հայտարարությունը «Վրացական երազանքի» համար ամենամեծ նվերը դարձավ, որը այս խելահեղությունը օգտագործեց իր սահմանափակ լեգիտիմությունը քողարկելու նպատակով՝ ցույց տալու համար Վրաստանի քաղաքացիներին, թե ինչ է այլընտրանքը»։ Բացի այդ, Գախարիան նշել է․ «Երբ քաղաքացիներին ասում ես, որ հոկտեմբերի 4-ը պետք է լինի խաղաղ տապալման օր, սակայն հեղափոխության ռեսուրս չունես, հետո մեղադրում ես ժողովրդին՝ իբր բավարար քանակով դուրս չեկավ, մենք ինչ անեինք»։ Գախարիան կարծում է, որ «հոկտեմբերի 4-ի խաղաղ տապալման կամ խաղաղ հեղափոխության համահավասարեցումը ժողովրդական բողոքի հետ, փաստացի, այդ բողոքի ապալեգիտիմացումն էր և «Վրացական երազանքի» լեգիտիմացումը»։