Աարաբացման մասին առասպելը բոլորովին որևէ հիմք չունի, – այս մասին հայտարարել է Վրաստանի վարչապետ Իրակլի Կոբախիձեն՝ անդրադառնալով Eagle Hills ընկերության կողմից Վրաստանում իրականացվող նախագծին։

Վարչապետի խոսքով, Eagle Hills-ի ղեկավարի՝ 60%-ը օտարերկրյա գնորդներին վաճառելու կանխատեսումը պայմանավորված էր նրանով, որ նա ցանկանում էր առավելագույնս դրական լույսի տակ ներկայացնել նախագծի տնտեսական ազդեցությունը։

«Վերջին տարիներին տարեկան միջինում 15 000 բնակարան է վաճառվել օտարերկրացիների վրա։ Այսինքն՝ վրացիները տարեկան գնում են մոտ 75 000 բնակարան, իսկ օտարերկրացիները՝ 15 000։ Սա որևէ ժողովրդագրական խնդիր չի առաջացրել, քանի որ հիմնականում այդ բնակարանները օտարերկրացիներն գնում են ներդրումային նպատակներով։ Հետևաբար, դա չի առաջացնում ժողովրդագրական խնդիրներ։

Eagle Hills-ի ղեկավարը միայն ենթադրություն է հայտնել, որ կարող է վաճառքի 60%-ը բաժին ընկնել օտարերկրյա գնորդներին։ Այդ հայտարարության շարժառիթը տնտեսական ազդեցության ընդգծումն էր. երբ օտարերկրացիներն են գնում բնակարաններ, հավելյալ միջոցներ են մտնում երկիր և նպաստում տնտեսությանը։ Նրա դիտակետից դա դրական ներկայացվեց։

Սակայն մեր սպասումները այլ են։ Նախագծով նախատեսվում է ընդհանուր առմամբ վաճառել մոտ 16 000 բնակարան, որից շուրջ 7 000-ը՝ Թբիլիսիում, իսկ մնացածը՝ Գոնիոյում։ Երբ խոսքը վերաբերում է 7 000 բնակարանին՝ հաշվի առնելով, որ մեր քաղաքացիները տարեկան գնում են շուրջ 75 000 բնակարան, սա կազմում է ընդամենը 10%։ Մեր կանխատեսումն այն է, որ Վրաստանի քաղաքացիները ավելի շատ կգնեն, և հետևաբար ավելի քիչ միջոցներ կմտնեն երկրում դրսից։ Մենք սպասում ենք, որ վրացիները կգրավեն ավելի քան 50%-ը։

Ի վերջո, կտեսնենք՝ ինչ և ինչպես կկազմավորվի։ Երբ պարոն Ալաբարը նշեց 60%-ի մասին, նա նկատի ուներ միջազգային գնորդներին ընդհանրապես, և ոչ մեկ կոնկրետ երկրի՝ օրինակ՝ Արաբական Միացյալ Էմիրությունների ներկայացուցիչներին։ Ինչի վրա է դա հիմնված՝ այն բանի վրա, որ ընկերությունն ունի լավ կազմակերպված մարքեթինգային ցանց ամբողջ աշխարհում։ Կարող եք նայել, օրինակ՝ Բելգրադում վիճակագրությունն ինչպիսին է, արդյոք տեղի է ունեցել «արաբացում»։ Սա բացարձակ անհեթեթություն է։ Իրական փորձը ցույց է տալիս, որ «արաբացման» վերաբերյալ խոսակցությունները հիմքեր չունեն», – հայտարարել է վարչապետ Կոբախիձեն։