Ապրիլի 9-ը այն օրն է, երբ օտար ուժը բռնություն կիրառեց մեր քաղաքացիների նկատմամբ, – այս մասին ասված է Վրաստանի վարչապետ Իրակլի Կոբախիձեի հայտարարության մեջ։

Կառավարության ղեկավարի խոսքով՝ միևնույն ժամանակ, ապրիլի 9-ը այն օրն է, որը միավորեց Վրաստանը, այն օրը, երբ վրացիների միջև սերը հաղթեց ատելությանը։

Ապրիլի 9-ը նաև այն օրն է, երբ ազատության գաղափարը հաղթեց ստրկությանը։ Հենց այդ պատճառով այսօր, ինչպես երբեք, պետք է հրաժարվենք ցանկացած բռնությունից, հաղթենք ատելությանը և պահպանենք ազատության գաղափարը։

Այսօր՝ ապրիլի 9-ի ողբերգության 36-րդ տարելիցին, օտար ուժը կրկին բռնություն է կիրառում Ռուսթավելիի պողոտայում։ Նույնիսկ այսօր, այդ նույն վայրում օտար ուժը բորբոքում է ատելությունը, փորձում է արհեստականորեն խաթարել վրացիների միասնությունը և պայքարում է ազատության գաղափարի դեմ։ Սակայն ապրիլի 9-ի փորձը մեզ սովորեցրեց, որ օտար ուժի «էությունը կարճատև է», և ատելության ու ստրկության վրա անպայման կհաղթեն սերն ու ազատությունը», – ասվում է հայտարարությունում։

Վարչապետի խոսքով՝ այսօր Ռուսթավելիի պողոտայում օտար ուժը փորձել է սադրել բռնություն, և երբ չի հաջողվել, ինքն է կիրառել այն։

Մենք չենք թույլ տա, որ ատելությունը ստանա լրացուցիչ էներգիա, և մեր երկիրը կպաշտպանենք անգամ փոքր, օտար ուժի կողմից կազմակերպված սադրանքից։

Մեր համոզմամբ՝ հենց սա են սպասում մեզանից ապրիլի 9-ի հերոսների հոգիները, ովքեր իրենց կյանքը զոհեցին սիրո և ազատության գաղափարի համար։ Մենք այսօր պատշաճ կերպով հարգում ենք նրանց հիշատակը։ Վրաստանում սերը և ազատությունը կհաղթեն ատելությանը և ստրկությանը», – ասված է վարչապետի հայտարարությունում։