Ապրիլի 9-ը, մի կողմից, ահռելի ողբերգության օր է, սակայն միևնույն ժամանակ այն օրն է, որը բերեց միասնություն և անկախություն երկրին ու վրաց ժողովրդին, – այս մասին հայտարարել է Վրաստանի վարչապետ Իրակլի Կոբախիձեն լրագրողների հետ զրույցում։

Վարչապետի խոսքով՝ ապրիլի 9-ը հիշեցնում է, որ պետք է հոգ տանենք միմյանց նկատմամբ մեր հարաբերություններին և սիրուն։

«Այսօր մենք հարգանքի տուրք ենք մատուցում ապրիլի 9-ի հերոսների հիշատակին, նրանց քաջագործությանը։ Ապրիլի 9-ը, մի կողմից, ահռելի ողբերգության օր է, սակայն միևնույն ժամանակ այն օրն է, որը բերեց միասնություն և անկախություն երկրին ու վրաց ժողովրդին։ Ապրիլի 9-ի ողբերգությունից ուղիղ երկու տարի անց Վրաստանը պաշտոնապես հայտարարեց պետական անկախության վերականգնումը։ Ես հիշում եմ այդ օրերը, շաբաթները, ամիսները, այդ մի քանի տարիները, երբ հասարակության մեջ փոխվեց վերաբերմունքը, և ատելությունը պարտվեց սիրուն։ Համապատասխանաբար, այս ամենը մեզ հիշեցնում է, թե որքան կարևոր է պահպանել մեր երկրի անկախությունն ու ազատությունը, որը ձեռք ենք բերել հենց մեր հերոսների պայքարի շնորհիվ։ Այս ամենը նաև հիշեցնում է, որ մենք պետք է հոգ տանենք միմյանց, մեր հարաբերություններին և սիրուն», – հայտարարել է վարչապետը։