Բոլոր հետազոտությունները ցույց են տալիս, որ Վրաստանը բարձր զարգացվածության երկիր է, իսկ մեր հավակնոտ նպատակն է, որ կոնկրետ արդյունքներն ավելի տեսանելի լինեն և ավելի բարձր դիրք գրավենք վարկանիշներում, – այս մասին հայտարարել է «Վրացական երազանք» կուսակցության անդամ Իրակլի Քադագիշվիլին։

Քադագիշվիլին մեկնաբանել է Եվրոպական հանձնաժողովի կողմից հրապարակված «Ուժեղ հաստատությունների ինդեքսը», որի համաձայն Վրաստանը, 100-տոկոսանոց գնահատման համակարգով, ստացել է 63% և զբաղեցրել է 34-րդ տեղը աշխարհում։ Ինստիտուցիոնալ ուժով Վրաստանը գերազանցում է Եվրամիության անդամակցության բոլոր թեկնածու երկրներին, ինչպես նաև ԵՄ-ի և ՆԱՏՕ-ի անդամ 13 պետության։

«Վերջին ուսումնասիրությունն էլ ցույց է տալիս, որ պետական ինստիտուտները կայուն են, ուժեղ։ Ի՞նչ է նշանակում պետական ինստիտուտների կայունությունն ու ուժը։ Դա նշանակում է, որ երկիրը պահպանում է հանգստությունը, մարդու իրավունքները պաշտպանված են, հանցավոր իրավիճակը վերահսկողության տակ է, իրականացվում են բազմաթիվ սոցիալական ծրագրեր առողջապահության, կրթության ուղղությամբ, տնտեսությունը զարգանում է։ Մարդկանց կյանքն ու երկրի տնտեսական վիճակն առաջ են գնում։ Սա է հենց ուժեղ պետական ինստիտուտների իմաստը։ Սա է կոռուպցիայի ցածր մակարդակի, թափանցիկության բարձր մակարդակի շնորհիվ Վրաստանի գլոբալ առաջատար դիրքի իմաստը։ Այս ամենից ելնելով՝ սա կոնկրետ արդյունք է, բայց մեր հավակնոտ նպատակը այն է, որ այս արդյունքները լինեն առավել տեսանելի և որ այս վարկանիշներում զբաղեցնենք ավելի բարձր դիրք», – հայտարարել է Քադագիշվիլին։