Իրակլի Ղարիբաշվիլին հանդիպել է Արգենտինայում Վրաստանի նորանշանակ դեսպան Գվարամ Խանդամիշվիլիի հետ
Վրաստանի վարչապետ Իրակլի Ղարիբաշվիլին հանդիպել է Արգենտինայի Հանրապետությունում Վրաստանի նորանշանակ արտակարգ և լիազոր դեսպան Գվարամ Խանդամիշվիլիին։
Իրակլի Ղարիբաշվիլին շնորհավորել է դիվանագետին նոր պաշտոնի կապակցությամբ և հաջողություն մաղթել հետագա աշխատանքում։
Զրույցի ընթացքում շոշափվել են Վրաստանի և Արգենտինայի Հանրապետության միջև երկկողմ հարաբերությունների դրական դինամիկան՝ ներառյալ քաղաքական, տնտեսական, կրթական, մշակութային և գյուղատնտեսական ուղղությունները և ապագա համագործակցության հեռանկարները։
Գվարամ Խանդամիշվիլին երկար տարիների դիվանագիտական փորձ ունի։ Տարիներ շարունակ նա աշխատել է տարբեր պաշտոններում արտաքին գործերի նախարարությունում, ինչպես նաև արտերկրում Վրաստանի դիվանագիտական ներկայացուցչություններում։ 2021 թվականի օգոստոսից մինչև 2022 թվականի դեկտեմբերը եղել է ՄԱԿ-ում Վրաստանի մշտական ներկայացուցչի տեղակալը։
2003 թվականին ավարտել է Իվանե Ջավախիշվիլիի անվան Թբիլիսիի պետական համալսարանի առևտրի և շուկայավարման ֆակուլտետը։ Նաև 2005 թվականին սովորել է Թբիլիսիի պետական համալսարանի հումանիտար գիտությունների ֆակուլտետում, իրավագիտություն մասնագիտությամբ։ 2017 թվականին ստացել է Ջոն Հոփկինսի համալսարանի մագիստրոսի կոչում, որտեղ սովորել է Կրթության միջազգային կենտրոնի ֆինանսավորմամբ՝ միջազգային հանրային քաղաքականություն մասնագիտությամբ։ Նա ունի կին և մեկ երեխա։