Վրաստանի վարչապետ Իրակլի Ղարիբաշվիլին այսօր ելույթ կունենա Ռեյկյավիկի գագաթնաժողովի մասնակիցների առջեւ։

Երեկ Ռեյկյավիկում բացվել է Եվրոպայի խորհրդի պետությունների և կառավարությունների ղեկավարների 4-րդ գագաթնաժողովը, որին մասնակցում է նաև Վրաստանի կառավարության ղեկավարը։ Բացման նիստին Իրակլի Ղարիբաշվիլին մասնակցել է գագաթնաժողովին մասնակցող համաշխարհային առաջնորդների հետ։

«Harpa» կոնֆերանս կենտրոնում, որտեղ անցկացվում է միջոցառումը, Վրաստանի վարչապետին և գագաթնաժողովին մասնակցող պետությունների ու կառավարությունների ղեկավարներին հյուրընկալել են Իսլանդիայի վարչապետ Կատրին Յակոբսդոտիրը և Եվրոպայի խորհրդի գլխավոր քարտուղար Մարիա Պեյչինովիչ Բուրիչը:

Իրակլի Ղարիբաշվիլիի խոսքով, գագաթնաժողովում ելույթից բացի, նա նաև երկկողմ հանդիպումներ կունենա։ Նրա խոսքով, խոսվելու է ամբողջ եվրոպական մայրցամաքում ստեղծված մարտահրավերների մասին։

«Պատիվ կունենամ ևս մեկ անգամ մեր երկրի անունից նշել բոլոր այն բարեփոխումները, հաջողված գործունեությունը, որ մեր կառավարությունը իրականացրել է վերջին 10 տարում։ Բացի այդ, իհարկե, մենք ևս մեկ անգամ կխոսենք այն մարտահրավերների մասին, որոնք ստեղծվել են ողջ եվրոպական մայրցամաքում։

Ելույթից զատ, ես կունենամ շատ հանդիպումներ, երկկողմ հանդիպումներ։ Մեր հիմնական ուղերձն այն է, որ Վրաստանը, մեր երկիրը և մեր վրացի ժողովուրդն արժանի են թեկնածուի կարգավիճակին։ Սա մեր ընտրությունն է, որն անփոխարինելի է, որը մեր ժողովրդի և մեր երկրի ընտրությունն է։ Ըստ այդմ, իմ ուղերձը ևս մեկ անգամ կլինի հետևյալը, որ անհրաժեշտ է, որ մեր երկիրը ստանա արժանի կարգավիճակ, քանի որ սա ուղերձ է լինելու Եվրոպայից մեր բնակչությանը, մեր ժողովրդին, մեր երկրին»,- ասաց վարչապետը։

Վարչապետը Ռեյկյավիկում է պատվիրակության հետ: