Ըստ Վրաստանի վարչապետ Իրակլի Ղարիբաշվիլիի, նա Եվրոպական խորհրդի նախագահ Շառլ Միշելին տեղեկացրել է, թե ինչպես են կատարվում համաձայնագրով նախատեսված իշխանության պարտավորությունները:

Ղարիբաշվիլիի խոսքով, «Վրացական երազանքը կատարում է պայմանագրով նախատեսված բոլոր պարտավորությունները:

Բացի այդ, ըստ կառավարության ղեկավարի, Միշելի հետ հանդիպմանը նա նշել է, որ մինչ օրս ընդդիմության մեծ մասը չի ստորագրել ապրիլի 19-ի համաձայնագիրը, ինչը խոչընդոտում է քաղաքական իրավիճակի կայունացմանը և ընդհանրապես իրավիճակը հանդարտեցմանը:

«Ես շատ արդյունավետ զրույց ունեցա նախագահ Միշելի հետ: Նախ և առաջ ես նրան տեղեկություն եմ տրամադրել, թե ինչպես են մեր պարտավորությունները կատարվում: Ես նրան ասացի, որ մենք մոտիվացված ենք և հետևում ենք այս գործընթացին: Բոլոր պարտավորությունները մեր կողմից կատարվել են, պայմանագրում նշված պայմանները կատարվում են: Ես նրան ասացի, որ, ցավոք, ընդդիմության մի ստվար զանգված մինչ այժմ չի ստորագրել համաձայնագիրը, ինչը մեծ խոչընդոտ է քաղաքական իրավիճակի կայունացման և ընդհանուր առմամբ իրավիճակը հանդարտեցնելու համար», – ասաց Իրակլի Ղարիբաշվիլին: