Ուկրաինան Վրաստանի գլխավոր առևտրային գործընկերներից մեկն է, որն ընդգրկված է առաջին տասնյակում, – ասաց Վրաստանի վարչապետ Իրակլի Ղարիբաշվիլին իր ուկրաինացի գործընկերոջ Դենիս Շմիգալի հետ համատեղ մամուլի ասուլիսում:

Ինչպես նշել է կառավարության ղեկավարը, երկու երկրների հիմնական խնդիրը Վրաստանի և Ուկրաինայի միջև ապրանքաշրջանառության կրկնապատկումն է:

«Մենք քննարկել ենք առևտրատնտեսական հարցեր: Պայմանավորվեցինք, որ անհրաժեշտ է ակտիվանալ այս ուղղությամբ: Ուկրաինան Վրաստանի հիմնական առևտրային գործընկերներից մեկն է, որը տասնյակում է, և այսօր մենք մեր առջև խնդիր ենք դնում կրկնապատկել ապրանքաշրջանառությունը մեր երկրների միջև:

Նշեցինք նաև տրանսպորտի, նյութատեխնիկական ապահովման և տարբեր նախագծերի ոլորտում ակտիվացման անհրաժեշտության մասին: Կցանկանայի նշել նաև, որ տուրիզմը շատ կարևոր է մեր երկրի համար, և մենք Ուկրաինայից շատ զբոսաշրջիկներ ունենք, և մենք միշտ ուրախ կլինենք Վրաստանում ավելի շատ ուկրաինացի զբոսաշրջիկների ընդունել», – ասաց Իրակլի Ղարիբաշվիլին:

Վարչապետի խոսքով, կան բոլոր մեխանիզմները՝ երկու երկրների միջև առանց այդ էլ ամուր հարաբերությունների էլ ավելի ամրապնդման համար:

«Այնպես որ, մեկ անգամ ևս ուզում եմ ամփոփել մեր այսօրվա հանդիպումը: Մենք ունենք բացարձակապես բոլոր մեխանիզմները, բոլոր շատ ամուր հիմքերը՝ մեր միջև առանց այդ էլ ամուր հարաբերությունների հետագա ամրապնդման և մեր երկկողմ համագործակցությունն ու գործընկերությունն էլ ավելի զարգացնելու համար: Ես կցանկանայի շնորհակալություն հայտնել իմ գործընկերոջը, իմ բարեկամին, Վրաստան այցելելու համար», – ասաց Իրակլի Ղարիբաշվիլին: