Վրաստանի վարչապետ Իրակլի Ղարիբաշվիլին այսօր դեսպանների համաժողովում իր ելույթի ժամանակ խոսել է նաեւ սեւծովյան էլեկտրական մալուխի նախագծի մասին։ Ինչպես նշեց վարչապետը, այս նախագծի նախաձեռնողը վրացական կողմն է։

Իրակլի Ղարիբաշվիլիի խոսքով՝ Սեւ ծովի էլեկտրական մալուխի նախագիծը պատմական նախագիծ կլինի, որը կամրապնդի Վրաստանի էներգետիկ անվտանգությունն ու անկախությունը։

«Մի քանի շաբաթ առաջ ես Ռումինիայի Բուխարեստ քաղաքում էի։ Սեւծովյան էլեկտրական մալուխի նախագիծը մեր, վրացական նախաձեռնությունն է։ Այս նախագծի մասին ես զրույց ունեցա անցյալ տարի Բրյուսելում, երբ այցով այնտեղ էի: Հենց սրանից հետո սկսվեցին ակտիվ բանակցություններ մեր եվրոպացի գործընկերների, մեր հարեւան, բարեկամ պետության՝ Ադրբեջանի, բնականաբար, Ռումինիայի հետ, որը նաև մեր ռազմավարական գործընկերն է, բարեկամ պետությունը, և մենք արդեն անցել ենք նոր փուլ։ Ռումինիայի հետ մենք սկսեցինք ավելի ակտիվ աշխատել այս նախագծի իրականացման ուղղությամբ։

Բնականաբար, Ռումինիայի հետ մենք սկսեցինք ավելի ակտիվ աշխատել այս նախագծի իրականացման ուղղությամբ։ Ռումինիան մեր ռազմավարական գործընկերն է, բարեկամ պետությունը։ Ինչպես գիտեք, Ադրբեջանը միացավ նախագծին, և Եվրամիությունը հայտնեց իր լիակատար աջակցությունը։ Նախագծին միացել է նաև Հունգարիան: Մենք հավատում ենք, որ սա կլինի այն շոշափելի, ռազմավարական, պատմական նախագծերից մեկը, որը մենք միասին կիրականացնենք և մեծապես կամրապնդենք մեր երկրի ինքնիշխանությունը, էներգետիկ անվտանգությունը և անկախությունը։ Այս ամենն անդրադառնում է մեր երկրի և մեր ժողովրդի վրա»,- ասել է վարչապետը։