Մենք ամեն ինչ անում ենք մեր դեսպանատների և դեսպանատներում աշխատող աշխատակիցների սոցիալական վիճակն էլ ավելի բարելավելու համար,- դեսպանների համաժողովի բացման ժամանակ իր ելույթում ասել է Վրաստանի վարչապետ Իրակլի Ղարիբաշվիլին։

Կառավարության ղեկավարը շնորհակալություն է հայտնել դեսպաններին:

«Մենք անում ենք հնարավորը մեր դեսպանատների և դեսպանատներում աշխատող աշխատակիցների սոցիալական վիճակն էլ ավելի բարելավելու համար։ Պարոն Իլիա Դարչիաշվիլին, որպես նոր նախարար, շատ ակտիվորեն ներգրավված է ձեր խնդիրների լուծման գործում։ Ես ուզում եմ շնորհակալություն հայտնել ձեր բոլոր աշխատակիցներին։ Ես գիտեմ, թե որքան դժվար է ապրել և աշխատել արտերկրում, ընտանիքներից հեռու։ Մենք կանենք ամեն ինչ, որպեսզի դուք կարողանաք կատարել ձեր հիմնական պարտականությունն էլ ավելի հարմարավետ, էլ ավելի լավ պայմաններում։ Պարոն Իլիան շատ լավ նախաձեռնություններ ունի: Սա, հավանաբար, այլ ձևաչափով կքննարկենք։ Ես լիովին աջակցում եմ նրան ու նրա նախաձեռնություններին, մենք կունենանք առավելագույն աջակցություն և ներգրավվածություն կառավարության մակարդակով։ Ցանկանում եմ սրտանց շնորհակալություն հայտնել բոլորիդ, հարգելի դեսպաններ, ձեր բոլոր աշխատակիցներին, մաղթել հաջողություն, բարօրություն, խաղաղություն և նախօրոք շնորհավորել ձեր Ամանորն ու Սուրբ Ծնունդը։ Շատ շնորհակալ եմ, հաջողություն եմ մաղթում»,- ասել է վարչապետը։