Իրակլի Ղարիբաշվիլի. Այն, ինչ կատարվում է ամբողջ աշխարհում վերջին տարիներին, հավանաբար պատմության ամենադրամատիկ իրադարձություններն են Երկրորդ համաշխարհային պատերազմից հետո
Այն, ինչ կատարվում է ամբողջ աշխարհում վերջին տարիներին, հավանաբար պատմության ամենադրամատիկ իրադարձություններն են Երկրորդ համաշխարհային պատերազմից հետո,- ասել է Վրաստանի վարչապետ Իրակլի Ղարիբաշվիլին՝ ելույթ ունենալով Պահպանողական քաղաքական գործողությունների ամենամյա կոնֆերանսում (CPAC):
Ինչպես նշել է կառավարության ղեկավարը, գրեթե ութ տասնամյակ է անցել պատմության մեծագույն չարիքի՝ ֆաշիզմի պարտությունից։ Այդ ժամանակից ի վեր մարդկությունն ամբողջությամբ, մեր երկրներն ու ժողովուրդներն անցել են բազում դժվարին ժամանակաշրջաններ։
Վարչապետի խոսքով՝ վրացիները, ինչպես մյուս ժողովուրդները, անցել են ազատության, քաղաքացիական պատերազմների, օկուպացիայի, տնտեսական փլուզման, ավտոկրատական ռեժիմի համար պայքարի դժվարին ժամանակաշրջաններ, և մեզ օտար չեն մարտահրավերները։
«Ընդամենը մի քանի օրից մենք կնշենք Երկրորդ համաշխարհային պատերազմի ավարտի 78 տարին։ Գրեթե ութ տասնամյակ է անցել պատմության մեծագույն չարիքի՝ ֆաշիզմի պարտությունից։ Այդ ժամանակից ի վեր մարդկությունն ամբողջությամբ, մեր երկրներն ու ժողովուրդներն անցել են բազում դժվարին ժամանակաշրջաններ։ Մենք, ինչպես մյուս ժողովուրդները, անցել ենք ազատության համար պայքարի, քաղաքացիական պատերազմների, օկուպացիայի, տնտեսական փլուզման, ավտոկրատական ռեժիմի դժվարին ժամանակաշրջաններ։ Այսպիսով, մեզ օտար չեն մարտահրավերները: Սակայն այն, ինչ տեղի է ունենում ամբողջ աշխարհում վերջին տարիներին, թերեւս պատմության ամենադրամատիկ իրադարձությունն է Երկրորդ համաշխարհային պատերազմից հետո: Համաճարակի հետևանքով առաջացած բարդ տնտեսական և հումանիտար ճգնաժամն էլ ավելի է խորացել եվրոպական մայրցամաքում շարունակվող լայնածավալ ռազմական հակամարտությամբ»,- ասել է վարչապետը։