17 տարի շարունակ մեր երկիրը և մեր հերոս զինվորականներն արժանի ներդրում են ունեցել աշխարհի խաղաղության պահպանման և ահաբեկչության դեմ պայքարում: Սա մեր մարտիկների նվիրված կռիվն էր, նրանց արժանի պայքարը, որը ամրապնդեց մեր երկիրը՝ որպես արժանի գործընկեր, և մեր բանակը՝ որպես խիզախ և պրոֆեսիոնալ բանակ, – ասաց Վրաստանի վարչապետ Իրակլի Ղարիբաշվիլին Սենակիի ռազմաբազայում՝ Աֆղանստանում ընթացող խաղաղապահ առաքելության ավարտին նվիրված միջոցառմանը:

Ինչպես նշել է կառավարության ղեկավարը, Վրաստանը ամենամեծ ներդրող երկիրն է Դաշինքի ոչ անդամ երկրների շարքում առաքելությանը մասնակցող քանակակազմի թվով և գործով ապացուցվել է աջակցությունը ՆԱՏՕ-ի անդամ և գործընկեր երկրների հետ հավասար գլոբալ անվտանգության ամրապնդման գործընթացում:

«Ողջունում եմ բոլորիդ այս շատ կարևոր օրը, երբ մենք բոլորս նշում ենք Աֆղանստանում խաղաղապահ առաքելության ավարտը և մեկ անգամ եւս շնորհակալություն հայտնում մեր հերոս զինվորներին: 17 տարի շարունակ մեր երկիրը և մեր հերոս զինվորականներն արժանի ներդրում են ունեցել աշխարհի խաղաղության պահպանման և ահաբեկչության դեմ պայքարում: Սա մեր մարտիկների նվիրված կռիվն էր, նրանց արժանի պայքարը, որը ամրապնդեց մեր երկիրը՝ որպես արժանի գործընկեր, և մեր բանակը՝ որպես խիզախ և պրոֆեսիոնալ բանակ: ՆԱՏՕ-ի և մեր միջազգային գործընկերների մասնակցությամբ ընթացող խաղաղապահ առաքելություններին մեր երկրի և զորքերի մասնակցությունն ու նշանակալի ներդրումը հստակ ցույց է տալիս, որ մեր երկիրը պատրաստ է լինել անվտանգության ապահովող և գործընկերների հետ պայքարել հանուն գլոբալ խաղաղության: 2004 թվականից ի վեր Աֆղանստանում շարունակվող խաղաղապահ առաքելությունը դրա եւս մեկ վառ ապացույցն է: Մենք դաշինքի ոչ անդամ պետությունների թվում ամենամեծ ներդրումն ենք ունեցել առաքելությանը մասնակցող զորքերի թվաքանակով և ցույց ենք տվել մեր աջակցությունը գլոբալ անվտանգության ամրապնդմանը», – ասաց վարչապետը: