Իրակլի Չիկովանին մասնակցել է Ուկրաինայի պաշտպանության կոնտակտային խմբի հանդիպմանը
Secretary of Defense Lloyd J. Austin III poses for a photo with Georgia Minister of Defense Irakli Chikovani upon the conclusion of the 23rd iteration of the Ukraine Defense Contact Group at NATO Headquarters in Brussels, Belgium, June 13, 2024. (DoD photo by U.S. Navy Petty Officer 1st Class Alexander C. Kubitza)
Բելգիայում Վրաստանի պաշտպանության նախարար Իրակլի Չիկովանին մասնակցել է Ուկրաինայի պաշտպանության կոնտակտային խմբի հերթական հանդիպմանը։ Տեղեկությունը տարածում է Վրաստանի պաշտպանության նախարարությունը։
Բրյուսելում ՆԱՏՕ-ի գլխավոր քարտուղար Ենս Սթոլթենբերգը և ԱՄՆ պաշտպանության նախարար Լլոյդ Օսթինը բացել են միջազգային խմբի 23-րդ հանդիպումը։ Հանդիպմանը մասնակցել են Ուկրաինային աջակցող երկրների պաշտպանական գերատեսչությունների ղեկավարներ և բարձրաստիճան պաշտոնյաներ։
Միջազգային խմբի անդամները քննարկել են Ուկրաինայում Ռուսաստանի ագրեսիայի արդյունքում ստեղծված իրավիճակը և ընթացիկ պատերազմում Ուկրաինային համակարգված ռազմական օգնություն ցուցաբերելու անհրաժեշտությունը։ Ուկրաինայի պաշտպանության կոնտակտային խումբը ստեղծվել է 2022 թվականի ապրիլին՝ Ամերիկայի Միացյալ Նահանգների նախաձեռնությամբ և միավորում է Ուկրաինային աջակցող ավելի քան 50 երկրների։