Զուգդիդիի մեծամասնական պատգամավոր Իրակլի Չիքովանին Զուգդիդցիներին շնորհավորում է ամանորի առթիվ: Նրա հայտարարությամբ, հասարակությունը 2020 թվականին ստիպված էր հաղթահարել բազմաթիվ խոչընդոտներ, սակայն Վրաստանը արժանապատվորեն հաղթահարեց բազմաթիվ մարտահրավերներ: Իրակլի Չիքովանին իր ուղերձում, որը տարածվել է պատգամավորի ֆեյսբուքի էջում, շնորհակալություն է հայտնում՝ բժիշկներին, բուժքույրերին, ոստիկաններին, զինվորականներին և բոլոր այն մարդկանց, ովքեր ներգրավված են համավարակի դեմ պայքարում:

«Ողջունում եմ ձեզ, ողջունում եմ իմ սիրելի զուգդիդցիներին: Ցանկանում եմ շնորհավորել ձեզ 2021 թվականի առթիվ: Ցանկանում եմ առաջին հերթին մաղթել առողջություն, քաջալերանք և շատ բարիքներ նոր տարում: 2020 թվականի ընթացքում մենք ստիպված եղանք հաղթահարել բազմաթիվ խոչընդոտներ, բախվեցինք բազմաթիվ մարտահրավերների, շատ մարդիկ կորցրեցին իրենց սիրելիներին և նրանք դարձան համավարակի զոհ: Այնուամենայնիվ, մենք կարողացանք հաղթահարել համավարակը, զսպել այն և շարունակել պայքարել նրա դեմ:

Նախ ուզում եմ շնորհակալություն հայտնել բոլոր այն մարդկանց, ովքեր ամեն ինչ արեցին այն բանի համար, որ պաշտպանեն մեր համաքաղաքացիների կյանքը: Դրանք են ՝ բժիշկները, բուժքույրերը, ոստիկանները, զինվորականները և բոլոր այն մարդիկ, ովքեր ամեն օր աշխատում են, որպեսզի մեր պետությունը հնարավորինս քիչ վնաս կրի համավարակից:

Համոզված եմ, որ 2021 թվականին մենք կկարողանանք հաղթել համավարակին աշխարհի հետ միասին և կկարողանանք մեր երկիրը վերադարձնել իր զարգացման այն բարձր փուլին, որը գոյություն ուներ մինչ համավարակը:

Հատկապես կցանկանայի Զուգդիդիի բնակիչներին մաղթել, որ մեր քաղաքն էլ ավելի հարմարավետ դառնա, և, իհարկե, կցանկանայի, որ Զուգդիդիի բնակիչներից յուրաքանչյուրը ավելի շատ բարեկեցություն ունենա: Ի վերջո, ես կցանկանայի դիմել ձեզանից յուրաքանչյուրին և կոչ անել համեստորեն տոնել այս ամանորի օրերն ու հանգստյան օրերը, որպեսզի մենք կարողանանք միմյանց ավելի շատ ուրախություն և ջերմություն հաղորդել 2021 թվականին: Շնորհավոր նոր տարի»,- հայտարարել է Իրակլի Չիկովանին իր ամանորի շնորհավորանքում: