Իրակլի Չիքովանի – Արչիլ Տատունաշվիլիի սպանությունից յոթ տարի է անցել, վստահ եմ, որ մեր պետության ջանքերով այս դաժան հանցագործության մասնակիցները կպատժվեն
Այսօր լրանում է Արչիլ Տատունաշվիլիի սպանության յոթ տարին։ Արչիլը օկուպացիոն ռեժիմի զոհն է, որի ողբերգությունը ցնցեց և, միևնույն ժամանակ, միավորեց ողջ Վրաստանը,- սոցցանցում գրել է Վրաստանի պաշտպանության նախարար Իրակլի Չիքովանին։
«Վստահ եմ, որ մեր պետության ջանքերով արդարադատությունն անկասկած կհաստատվի, և այս զազրելի հանցագործության մասնակիցները կպատժվեն օրենքի ողջ խստությամբ»,- գրում է Չիքովանին։
Արչիլ Տատունաշվիլին ապօրինի ձերբակալվել է օկուպացիոն ռեժիմի կողմից Ախալգորիում 2018 թվականի փետրվարի 22-ին։ Փետրվարի 23-ին հայտնի դարձավ, որ նա սպանվել է։ Կրտսեր սերժանտը Վրաստանի պաշտպանության ուժերում ծառայել է 2007-2011 թվականներին։ Զինվորական պատիվներով հուղարկավորվել է Մուխաթգվերդի եղբայրների գերեզմանատանը։