Համատեղ օպերատիվ միջոցառումների և քննչական գործողությունների արդյունքում ՆԳՆ Իմերեթիի և Թերժոլայի շրջանային ոստիկանության բաժանմունքի ծառայողները թմրանյութերի հետ կապված հանցագործությունների մեղադրանքով ձերբակալել են երկու անձի։ Տեղեկությունը տարածում է ՆԳՆ-ն։

«Խմբի կողմից նախնական համաձայնությամբ թմրամիջոց «մարիխուանա» ձեռք բերելու, պահելու և իրացնելու փորձ կատարելու մեղադրանքով ձերբակալվել են նախկինում դատվածություն ունեցող անձինք՝ 2002 թվականին ծնված Ի.Ա. եւ 2002 թվականին ծնված Մ.Կ.-ն: Հանցագործությունը պատժվում է մինչև ութ տարի ազատազրկմամբ։

Իրավապահները որպես ապացույց առգրավել են թմրանյութի մեղադրանքով ձերբակալված անձանց անձնական իրերը, ինչպես նաև թմրամիջոց՝ «չորացրած մարիխուանա», որը պահպանվել է նրանց կողմից նշված վայրերում հետագա վաճառքի համար։

«Հետաքննությունը շարունակվում է Վրաստանի քրեական օրենսգրքի 273-րդ և 19-273-րդ հոդվածներով»,- ասվում է ՆԳՆ հաղորդագրության մեջ։