Իլիա Երկրորդը շնորհավորում է Իլհամ Ալիևին ընտրություններում տարած հաղթանակի կապակցությամբ. Մենք բարձր ենք գնահատում ձեր ներդրումը մեր երկրների միջև եղբայրական հարաբերությունների զարգացման գործում
Վրաստանի Կաթողիկոս-Պատրիարք Իլիա Երկրորդը շնորհավորում է Ադրբեջանի նախագահ Իլհամ Ալիևին՝ արտահերթ ընտրություններում տարած հաղթանակի կապակցությամբ։
Պատրիարքի շնորհավորական նամակը հրապարակվել է Ադրբեջանի նախագահի պաշտոնական կայքում։
«Սրտանց շնորհավորում եմ ձեզ Ադրբեջանի նախագահական ընտրություններում համոզիչ հաղթանակի կապակցությամբ, որը հաստատում է այն մեծ վստահությունը, որն ունի ձեր երկրի ժողովուրդը ձեր նկատմամբ, և դա միանգամայն օրինական է։ Մենք մեծապես գնահատում ենք ձեր անձնական ներդրումը մեր երկրների միջև եղբայրական հարաբերությունների զարգացման գործում և հուսով ենք, որ այն էլ ավելի կամրապնդվի՝ հիմնվելով գործընկերության սկզբունքների վրա։ Մաղթում եմ ձեզ և ձեր ընտանիքին առողջություն, խաղաղություն և հաջողություններ ձեր աշխատանքում՝ ի բարօրություն Ադրբեջանի»,- ասված է Վրաստանի պատրիարքի շնորհավորական նամակում։
