Իլիա Դարչիաշվիլին հանդիպել է Չինաստանի իշխող կուսակցության կենտրոնական կոմիտեի միջազգային վարչության փոխնախարար Չեն Չոուի և պատվիրակության անդամների հետ
Վրաստանի արտաքին գործերի նախարար Իլիա Դարչիաշվիլին հանդիպել է Չինաստանի Ժողովրդական Հանրապետության կենտրոնական կոմիտեի միջազգային վարչության փոխնախարար Չեն Չոուի և պատվիրակության անդամների հետ։
Վրաստանի արտաքին գործերի նախարարության հաղորդագրության համաձայն՝ կողմերը քննարկել են երկկողմ և բազմակողմ համագործակցության հարցերի լայն շրջանակ, այդ թվում՝ քաղաքական, առևտրատնտեսական, զբոսաշրջության, մշակութային-հումանիտար և մարդկանց միջև շփումները։ Դրական են գնահատվել երկու երկրների երկկողմ հարաբերություններում առկա բարձր դինամիկան և սերտ գործընկերությունը։
Գերատեսչության տվյալներով՝ ուշադրություն է դարձվել անցյալ տարի Վրաստանի և Չինաստանի միջև հաստատված ռազմավարական գործընկերության արդյունքում ստեղծված նոր հնարավորությունների լիարժեք օգտագործման կարևորությանը, որի շոշափելի արդյունքներից է երկու երկրների միջև 2024 թվականի ապրիլի 10-ին ստորագրված մուտքի արտոնագրերի ներդրման մասին համաձայնագիրն է:
Չինական կողմը ևս մեկ անգամ հաստատել է իր աջակցությունը Վրաստանի ինքնիշխանությանն ու տարածքային ամբողջականությանը միջազգայնորեն ճանաչված սահմաններում։ Իր հերթին Իլիա Դարչիաշվիլին ընդգծել է Վրաստանի հաստատակամ և հետևողական դիրքորոշումը մեկ Չինաստանի սկզբունքի աջակցության հարցում։