Իլիա Դարչիաշվիլիին հավատարմագրերի պատճենը հանձնեց Եվրամիության նոր դեսպան Պավել Հերչինսկին
Եվրամիության նոր դեսպան Պավել Հերչինսկին իր հավատարմագրերի պատճենը հանձնեց արտաքին գործերի նախարար Իլիա Դարչիաշվիլիին։ Վրաստանի արտաքին գործերի նախարարության փոխանցմամբ՝ արարողությունից հետո կողմերի միջև տեղի է ունեցել հանդիպում։
Գերատեսչության տվյալներով՝ հանդիպմանը քննարկվել է Վրաստանի և Եվրամիության միջև առկա համագործակցության լայն շրջանակը, այդ թվում՝ այս տարվա հունիսին Եվրամիության կողմից Վրաստանին եվրոպական հեռանկար տրամադրելու հարցը։ Նախարարը դեսպանին տեղեկացրել է Եվրոպական խորհրդի 12 առաջնահերթությունների առաջընթացը։ Կողմերը քննարկել են նաև այս տարվա սեպտեմբերի 6-ին Բրյուսելում նախատեսված Վրաստան-Եվրամիություն Ասոցացման խորհրդի օրակարգին առնչվող հարցեր։ Եվրամիության պատվիրակության նոր ղեկավարը ողջունել է Վրաստանի արտաքին գործերի նախարարի մասնակցությունը Եվրամիության անդամ երկրների արտաքին գործերի նախարարների անցած շաբաթ ոչ պաշտոնական հանդիպմանը։
Քննարկվել են նաև օկուպացված շրջաններում առկա իրավիճակը և Եվրամիության դերը տարածաշրջանի կայունության ապահովման գործում։ Դեսպանը ևս մեկ անգամ նշել է Եվրամիության անսասան աջակցությունը Վրաստանի ինքնիշխանությանն ու տարածքային ամբողջականությանը։