Իլիա Դարչիաշվիլի - Վրաստանի և Հայաստանի վարչապետները բացեցին Վրաստանի նոր դեսպանատունը, որը երկու երկրների ամուր բարեկամության ապացույցներից է։
Կարծում եմ, շատ հետաքրքիր այց էր, որն առանձնանում էր նաև նրանով, որ այսօր Վրաստանի և Հայաստանի վարչապետները բացեցին Վրաստանի նոր դեսպանատունը»,- այս մասին Վրաստանի արտգործնախարար Իլիա Դարչիաշվիլին հայտարարել է վարչապետ Իրակլի Կոբախիձեի Հայաստանի Հանրապետություն պաշտոնական այցի մասին խոսելիս:
Նրա խոսքով, նոր դեսպանատունը ևս մեկ անգամ ընդգծում է Վրաստանի և Հայաստանի ամուր և դարավոր բարեկամությունը։
«Շենքը մեր երկրի սեփականությունն է, նոր ձեռք բերված ու վերականգնված։ Մենք ուրախ ենք, որ Վրաստանի դիվանագիտական ներկայացուցչությունը կլինի շատ լավ շենքում, որտեղ կաշխատեն վրացի դիվանագետները։ Սա նաև երկու երկրների ամուր, դարավոր բարեկամության ուղերձներից մեկն է»,- ասել է Իլիա Դարչիաշվիլին։