Արտաքին գործերի նախարար Իլիա Դարչիաշվիլին հանդիպել է ՄԱԿ-ի Գլխավոր ասամբլեայի 76-րդ նստաշրջանի նախագահ Աբդուլլահ Շահիդիի հետ, ով իր առաջին պաշտոնական այցով ժամանել է Վրաստան։ Ինչպես հանդիպումից հետո ասել է Իլիա Դարչիաշվիլին, հիշյալ այցը ՄԱԿ-ի հետ սերտ համագործակցության և կազմակերպության աշխատանքներում Վրաստանի ակտիվ ներգրավվածության հստակ դրսևորումն է։

Ինչպես նշվում է ԱԳՆ մամուլի ծառայության հաղորդագրության մեջ, հանդիպմանը, ի թիվս այլ հարցերի, ուշադրություն է դարձվել Վրաստանի օկուպացված շրջաններում անվտանգության, մարդու իրավունքների և հումանիտար բարդ իրավիճակին և Ռուսաստանի ստանձնած միջազգային պարտավորությունների կատարման անհրաժեշտությանը։

Արտաքին գործերի նախարարը շնորհակալություն է հայտնել Գլխավոր ասամբլեայի նախագահին՝ Վրաստանի ինքնիշխանությանն ու տարածքային ամբողջականությանը ցուցաբերած ամուր աջակցության համար։

Հանդիպման ընթացքում խոսվել է նաև ՄԱԿ-ի Գլխավոր ասամբլեայի շրջանակներում Վրաստանի և կազմակերպության միջև համագործակցության արդի հարցերի, այդ թվում՝ խաղաղության և անվտանգության, մարդու իրավունքների պաշտպանության, կայուն զարգացման, գենդերային հավասարության և կանանց հզորացման, երիտասարդության ներգրավվածության խթանման հարցերին:

Նշենք, որ Վրաստան այցի շրջանակներում ՄԱԿ-ի Գլխավոր ասամբլեայի 76-րդ նստաշրջանի նախագահը հանդիպումներ կունենա Վրաստանի նախագահ Սալոմե Զուրաբիշվիլիի, վարչապետ Իրակլի Ղարիբաշվիլիի և խորհրդարանի խոսնակ Շալվա Պապուաշվիլիի հետ:

ՄԱԿ-ի Գլխավոր ասամբլեայի 76-րդ նստաշրջանի նախագահը կայցելի նաև օկուպացիոն գիծ, ​​Ծերովանիի գյուղի փախստականների բնակավայր, և կծանոթանա օկուպացիայի հետևանքով ստեղծված իրավիճակին և փախստականների վիճակին։

Բացի այդ, ՄԱԿ-ի Գլխավոր ասամբլեայի 76-րդ նստաշրջանի նախագահը կայցելի Արդարադատության տուն, որտեղ կծանոթանա պետական ​​ծառայությունների մատուցման ներկայիս մոդելին և «Բաց կառավարման գործընկերության» նախաձեռնության շրջանակներում Վրաստանի կողմից իրականացվող բարեփոխումներին։

Աբդուլլահ Շահիդը կայցելի նաև Վրաստանում ՄԱԿ-ի գրասենյակ և հանդիպումներ կունենա ՄԱԿ-ի ծրագրում ներգրավված ոչ կառավարական կազմակերպությունների ներկայացուցիչների հետ։

Տեղեկությունը տարածում է Վրաստանի արտաքին գործերի նախարարությունը։