Ադրբեջանի նախագահ Իլհամ Ալիևը շնորհավորել է Վրաստանի վարչապետ Իրակլի Կոբախիձեին խորհրդարանական ընտրություններում «Վրացական երազանքի» հաղթանակի կապակցությամբ և նրան հրավիրել Ադրբեջան։

Ալիեւի շնորհավորանքները տարածում է Ադրբեջանի նախագահի վարչակազմը։

«Հարգելի պարոն վարչապետ, ի սրտե շնորհավորում եմ ձեզ Վրաստանում կայացած խորհրդարանական ընտրությունների արդյունքների և ձեր երկրի առաջատար քաղաքական ուժի՝ «Վրացական երազանք-Ժողովրդավարական Վրաստան» կուսակցության հաղթանակի կապակցությամբ։ Այս քվեարկությամբ Վրաստանի քաղաքացիներն իրենց աջակցությունն են հայտնել զարգացմանը, կայունությանը և ավանդական արժեքներին։

Կարծում եմ, որ ընտրությունների արդյունքները կծառայեն Վրաստանի համակողմանի զարգացմանն ու բարգավաճմանը։ Միևնույն ժամանակ, ես իմ համոզմունքն եմ հայտնում, որ ընտրությունների արդյունքները կնպաստեն ադրբեջանա-վրացական միջպետական ​​հարաբերությունների կայուն զարգացմանը, ինչը թելադրված է պատմականորեն բարեկամության, եղբայրության և բարիդրացիության պայմաններում ապրած մեր ժողովուրդների կամքով և մեր երկրների դիրքերի հետագա ամրապնդումը Հարավային Կովկասում և ավելի լայն աշխարհագրությունում։

Մեր քաղաքական երկխոսությունը շարունակելու համար հրավիրում ենք Ձեզ համապատասխան պահին պաշտոնական այցով մեկնել Ադրբեջան։ Վստահ եմ, որ հանուն մեր երկրների և ժողովուրդների բարօրության, մեր տարածաշրջանի բարեկեցության և անվտանգության, մենք կշարունակենք համատեղ ջանքեր գործադրել մեր ռազմավարական գործընկերության ամրապնդման և հաջողությամբ շարունակելու երկկողմ և բազմակողմ փոխշահավետ գործունեությունը։

Ձեզ եմ փոխանցում իմ լավագույն մաղթանքները, խաղաղություն և բարգավաճում եմ մաղթում Վրաստանի բարեկամ ժողովրդին»,- ասված է Ադրբեջանի նախագահ Իլհամ Ալիևի նամակում։