Իլհամ Ալիևը նամակ է հղել իր երկրում անցկացվող «Հանքերի շրջակա միջավայրի վրա ազդեցության նվազեցում. ռեսուրսների մոբիլիզացում հանուն անվտանգ և կանաչ ապագայի» խորագրով միջազգային համաժողովի մասնակիցներին
Իլհամ Ալիևը նամակ է հղել իր երկրում անցկացվող «Հանքերի շրջակա միջավայրի վրա ազդեցության նվազեցում. ռեսուրսների մոբիլիզացում հանուն անվտանգ և կանաչ ապագայի» խորագրով միջազգային համաժողովի մասնակիցներին։
Իր նամակում հիշեցնելով, որ Հայաստանը օկուպացիայի ժամանակ ականներ է անցկացրել ադրբեջանական հողերում, Ալիևը հայտարարել է, որ իր երկիրը ականներով ամենաաղտոտված երկրների շարքում է աշխարհում։
Ալիևը նշել է, որ Ադրբեջանի տարածքի մոտ 12 տոկոսը աղտոտված է 1,5 միլիոն ականներով և անհայտ քանակությամբ չպայթած զինամթերքով:
Ալիևն անդրադարձել է նաև Ղարաբաղյան 2-րդ պատերազմից հետո տարածաշրջանում տեղի ունեցած ականների պայթյուններին ու ասեց․
«2020 թվականի պատերազմի ավարտից ի վեր մեր քաղաքացիներից 361-ը, որոնց մեծ մասը խաղաղ բնակիչներ են, դարձել է ականների զոհ, նրանցից 68-ը կորցրել են իրենց կյանքը, 293-ը՝ ծանր վիրավորվել։ Ադրբեջանի դեմ Հայաստանի ռազմական հարձակման սկզբից ի վեր մեր ավելի քան 3400 քաղաքացիներ, այդ թվում՝ 358 երեխաներ և 38 կանայք, տուժել են ականներից»։
Ադրբեջանի նախագահն ասել է․
«Ադրբեջանում թաղված ականների ճշգրիտ քարտեզներ տրամադրելուց Հայաստանի հրաժարումը, նախկին շփման գծի ետևում գտնվող ճանապարհներին, գերեզմանատներում և այլ քաղաքացիական կառույցների վրա ականների տեղադրումը հիմնական պատճառներն են, որ ականների զոհերի թիվը օրեցօր ավելանում է։ «Սրա պատասխանատվությունը կրում է Հայաստանը»։
Իլհամ Ալիևն ընդգծել է, որ իրենք ականազերծման աշխատանքներն իրականացնում են գրեթե ամբողջությամբ սեփական միջոցներով ու ասել է․
«Միջազգային հանրության կողմից համարժեք քաղաքական և գործնական աջակցությունը մեծ նշանակություն ունի ականների հետևանքները վերացնելու և հողը մաքրելու համար»։