Ադրբեջանի նախագահ Իլհամ Ալիևը Բիձինա Իվանիշվիլիին շնորհավորել է ընտրություններում «Վրացական երազանքի» կուսակցության հաղթանակի կապակցությամբ:

Իլհամ Ալիևի շնորհավորանքի տեքստը հրապարակել են տեղական լրատվամիջոցները:

«Իմ և կուսակցության ՝ «Նոր Ադրբեջանի» անունից ի սրտե շնորհավորում եմ ձեզ Վրաստանի խորհրդարանական ընտրություններում «Վրացական երազանք – ժողովրդավարական Վրաստան»-ի հաղթանակի կապակցությամբ:

Խորհրդարանական ընտրություններում երրորդ անգամ անընդմեջ այն կուսակցության հաղթանակը, որի առաջնորդը դուք եք, ևս մեկ անգամ հաստատում է բարեկամ վրաց ժողովրդի աջակցությունը ձեր ուղղուն:

Հավատում եմ, որ ձեր հաղթանակը կնպաստի երկրի բարգավաճմանը և ապագայում ներդրում կունենա Ադրբեջանի և Վրաստանի բարեկամության և բարիդրացիության բազմադարյա ավանդույթներին հիմնված ռազմավարական գործընկերության բազմակողմ զարգացման մեջ:

Օգտվելով առիթից, մաղթում եմ ձեզ առողջություն և հաջողություններ, իսկ վրացի բարեկամ ժողովրդին մաղթում եմ մշտական ​​խաղաղություն, հանգստություն և բարեկեցություն»,- գրել է Իլհամ Ալիևը:

Իլհամ Ալիևը խորհրդարանական ընտրություններում «Վրացական երազանքի» հաղթանակի կապակցությամբ շնորհավորել է նաև Գիորգի Գախարիային: