Իլհամ Ալիև. Մենք ցանկանում ենք բարիդրացիական հարաբերություններ եվրոպական կառույցների հետ, բայց ոչ ի հաշիվ ներքին գործերին միջամտելու, տարբեր հատվածների ֆինանսավորման և երիտասարդության ուղեղները լվանալու նրանց մշտական փորձերի
Մենք ցանկանում ենք բարիդրացիական հարաբերություններ ունենալ եվրոպական կառույցների հետ, բայց ոչ մեր ներքին գործերին միջամտելու, հասարակության տարբեր շերտերին ֆինանսավորելու և մեր երիտասարդության ուղեղները լվանալու նրանց մշտական փորձերի հաշվին, – ասել է Ադրբեջանի նախագահ Իլհամ Ալիևը միջազգային ֆորումում ունեցած ելույթում։
Ալիեւի խոսքով, «Հարավային Կովկասի առաջատար երկրները պետք է իրենց վրա վերցնեն համագործակցության հիմնական բեռը»։
«Մենք՝ որպես Ադրբեջան, ցանկանում ենք բարիդրացիական հարաբերություններ ունենալ եվրոպական կառույցների հետ, առաջին հերթին՝ Եվրահանձնաժողովի հետ, բայց ոչ ի հաշիվ մեր շահերի, ոչ մեր ներքին գործերին միջամտելու, մեր հասարակության տարբեր շերտերին ֆինանսավորելու, մեր երիտասարդության ուղեղները լվանալու և Ադրբեջանի որոշ մարդկանց ուղեղը թունավորելու հաշվին։ Ադրբեջանը և Վրաստանը, իհարկե, պետք է կրեն համագործակցության հիմնական բեռը, բայց, իհարկե, Հայաստանը, եթե համաձայնի փոխել սահմանադրությունը Ադրբեջանին տարածքային հավակնությունների առումով, կարող է միանալ գործընթացին, և մենք կարող ենք մտածել ապագայի երկարաժամկետ, կանխատեսելի իրավիճակի մասին մեր տարածաշրջանում»,- ասել է Իլհամ Ալիևը։