Հայաստանը պետք է ծրագրի իր ապագան՝ ելնելով սեփական ազգային շահերից, այլ ոչ թե մեր տարածաշրջանից հեռու գտնվող երկրների նկրտումներից, որոնք արյունոտ գաղութային անցյալ ունեն»,- ասել է Ադրբեջանի նախագահ Իլհամ Ալիևը։

Ըստ Ադրբեջանի նախագահի՝ դրանք այն երկրներն են, որոնց գաղութային քաղաքականությունն ուղղված էր առաջին հերթին աշխարհի տարբեր ծայրերում մահմեդական բնակչության դեմ։

«Ոչ մի միջազգային ճնշում չի կարող ազդել Ադրբեջանի ժողովրդի և Ադրբեջանի կառավարության կամքի վրա։ Այժմ Հայաստանն օգտագործում է իր սփյուռքը աշխարհի տարբեր ծայրերում՝ Ադրբեջանի վրա հարձակվելու համար։ Բայց նրանց գործողություններն անարդյունավետ կլինեն։ Մենք պատրաստ ենք խաղաղության, բայց արդար խաղաղության՝ հիմնված երկու երկրների տարածքային ամբողջականության և ինքնիշխանության ճանաչման վրա։ Առողջ բանականության և պատմական արդարության վրա հիմնված խաղաղության վրա։ Փաստորեն, Հայաստանը դարձել է Ֆրանսիայի կառավարության վստահված անձը, և դա կարող է լուրջ սպառնալիք դառնալ տարածաշրջանային կայունության համար։ Մեզ պատերազմ պետք չէ. Մենք կռվեցինք մեր տարածքում, վերականգնեցինք արդարությունն ու միջազգային իրավունքը։ Բայց Հայաստանի իշխանությունն ու քաղաքական իսթեբլիշմենթը մտածում են ռեւանշի մասին։ Իսկ Ֆրանսիայի կառավարության սխալ հաղորդագրություններն իրականում պատրանքներ են ստեղծում Հայաստանի կառավարության և, հնարավոր է, Հայաստանի հանրային կարծիքի համար, որ նրանք կարող են վերսկսել ռազմական ագրեսիան Ադրբեջանի դեմ։ Հայաստանին զինելը, որով Ֆրանսիան այդքան հպարտանում է և հրապարակավ հայտարարում, չի օգնի Հայաստանին, եթե նա որոշի նոր պատերազմ սկսել։ Արդյունքը նույնն է լինելու, և ոչ ոք նրանց չի օգնի։ Ֆրանսիան օգնե՞լ է նրանց երեք տարի առաջ։ Ոչ Երկու ամիս առաջ օգնե՞լ են։ Ի՞նչ կարող են նրանք այստեղ անել, ոչինչ: Ուստի, կարծում եմ, որքան շուտ Հայաստանից պատասխան ստանանք մեր մեկնաբանություններին, այնքան լավ»,- ասել է Իլհամ Ալիեւը։