Իլհամ Ալիև – Ադրբեջանի և Ռուսաստանի միջև հարաբերությունները հիմնված են փոխադարձ հարգանքի ավանդույթների վրա, համատեղ ջանքերը կշարունակեն նպաստել ապագայում համագործակցության ամրապնդմանը
Ադրբեջանի նախագահ Իլհամ Ալիևը շնորհավորել է Ռուսաստանի նախագահ Վլադիմիր Պուտինին Ռուսաստանի օրվա կապակցությամբ։
Իլհամ Ալիևը շնորհավորական նամակ է հղել Վլադիմիր Պուտինին, որը տարածվում է ադրբեջանական լրատվամիջոցների կողմից։
«Ադրբեջանական ժողովրդի և անձամբ իմ անունից սրտանց շնորհավորում եմ ձեզ և Ռուսաստանի բոլոր քաղաքացիներին պետական տոնի՝ Ռուսաստանի օրվա կապակցությամբ։ Ադրբեջանի Հանրապետության և Ռուսաստանի Դաշնության միջև հարաբերությունները հիմնված են բարեկամության, բարիդրացիության և փոխադարձ հարգանքի ավանդույթների վրա, որոնք դարեր շարունակ կապել են մեր ժողովուրդներին։ Հաճույքով եմ նշում երկկողմ առևտրատնտեսական համագործակցության ակտիվ զարգացումը, ինչպես նաև միջտարածաշրջանային, մշակութային և հումանիտար կապերի ընդլայնումը։ Վստահ եմ, որ համատեղ ջանքերը կշարունակեն նպաստել ադրբեջանա-ռուսական հարաբերությունների զարգացմանը և ամրապնդմանը, բազմակողմ համագործակցությանը ռազմավարական գործընկերության և դաշինքի ոգով՝ ի շահ մեր բարեկամ ժողովուրդների և երկրների», – նշել է Իլհամ Ալիևը նամակում։