2022 թվականի հունիսի 13-ին, Վրաստանի կառավարության կողմից առաջարկի պաշտոնական ընդունումից հետո, «IDS Borjomi»-ի վերահսկիչ բաժնետերը ընկերության 7,73 տոկոս բաժնեմասը անհատույց կփոխանցի Վրաստանի կառավարությանը,- հայտնել են ընկերությունից։

Ըստ նրանց, համաձայնագրի արդյունքում վերահսկիչ բաժնետերն այլևս չի ունենա «IDS Borjomi»-ի վերահսկողական գործառույթը, «IDS Borjomi»-ի տնօրենների խորհրդում վերահսկիչ բաժնետիրոջ ներկայացվածությունը ութից կկրճատվի երկուանդամի, «IDS BORJOMI International»-ի տնօրենների խորհրդի նախագահը լինելու է Վրաստանի կառավարության ներկայացուցիչը։

«IDS Borjomi»-ի բաժնետերերը մշտապես մտածում էին ընկերության հաջողության մասին՝ յուրաքանչյուր երկրում կամ շուկայում: Մենք՝ «IDS Borjomi»-ը, երախտապարտ ենք Վրաստանի կառավարությանը այս համաձայնագրին աջակցելու համար։ Այս դժվարին իրավիճակում այս որոշումը թույլ է տալիս ընկերությանը շարունակել իր երկարաժամկետ զարգացումը»,- ասել է «IDS Borjomi»-ի տնօրենների խորհրդի անդամ Էլխան Ալնազարովը։

Վրաստանի վարչապետ Իրակլի Ղարիբաշվիլին հայտարարություն է արել «IDS Borjomi» ընկերության վերաբերյալ։ «Մենք հաջողությամբ ավարտել ենք բանակցությունները «Borjomi»-ի բաժնետերերի հետ, և մեր պետությունը դառնալու է «Borjomi» գործարանի համասեփականատերը»,- ասել է վարչապետը։