«Սխալ հայտարարություն էր, այն իր բովանդակությամբ բացառում է նվիրման արժեքը և դրա ճանաչումը», – այս մասին ասել է «Գիրչի» կուսակցության առաջնորդներից Իագո Խվիչիան՝ անդրադառնալով խորհրդարանի փոխնախագահ, խորհրդարանական հետաքննիչ հանձնաժողովի նախագահ Թեա Ծուլուկիանիի հայտարարությանը։

Թեա Ծուլուկիանին ապրիլի 11-ին հայտարարել էր. «Ինչու՞ այսօր Գիորգի Անծխելիձեն տանը չէ։ Ես, իմ մարտական ընկերների հետ միասին, իրավունք ունեմ այս հարցը բարձրացնելու։ Եվ ո՞վ կարող է արգելել ինձ դա։ Ոչ ոք։ Ամեն երեխայի պետք է իր ծնողը տանը՝ և ոչ թե անիմաստ զոհված որևէ մեկի PR-ի համար։ Այս դեպքում նկատի ունեմ Սաակաշվիլիին»։

Իագո Խվիչիայի խոսքով՝ «նման հայտարարությունը, եթե կանխամտածված չի արվել, սխալ է և պահանջում է ներողություն»։

«Սխալ հայտարարություն էր, այն իր բովանդակությամբ բացառում է նվիրման արժեքը և դրա ճանաչումը։ Կարծում եմ՝ նրա հայտարարությունն ամբողջությամբ չի արտահայտում այն միտքը, որ նվիրվածությունն էլ մարդու իրավունք է։ Թվում է՝ մարդու կողմից սեփական կյանքի զոհաբերության փաստն անտեսվում է, երբ ասում ես, թե ինչ-որ մեկը քաղաքական PR-ի համար օգտագործել է դա, և այլն, կարծես հերոսը ոչինչ չի արել, պարզապես ինչ-որ մեկը նրան զոհել է։ Նման հայտարարությունը, եթե կանխամտածված չի արվել, սխալ է և իմ կարծիքով՝ պահանջում է ներողություն», – նշել է Իագո Խվիչիան։