Իրականում, մենք մինչև երեկ չէինք սպասում, որ ինչ-որ բան կբացվի,- այս մասին հայտարարել է հյուրանոցների և ռեստորանների ֆեդերացիայի հիմնադիր, Շալվա Ալավերդաշվիլին:

Ըստ նրա, համավարակի ընթացքում առավելապես տուժել է հյուրանոցային ոլորտը:

«Միայն մի քանի հյուրանոցներ կան, որոնք պատրաստվում էին միջոցառում ունենալ նոր տարում: Իրականում, մենք առանձնահատուկ սպասելիքներ չունեինք: Մենք երկրի ամենատուժած հատվածն ենք, գրեթե ամեն ինչ փակ է: Մատների վրա հաշված հյուրանոցներ են գործում երկրում և այս աշխատող հյուրանոցներին նաև ասվել է, որ չպետք է Ամանորյա միջոցառում անցկացնեն: Ոլորտը, փաստորեն, մեռած է: Մենք բացման ակնկալիքներ չունեինք: Մենք դրանից արդեն տուժել ենք, երբ ասացին, որ բացվելու ենք և գնեցինք ապրանքը, վարձեցինք անձնակազմին և հանկարծ փակվեցինք: Հիմա մենք այս ընթացքում նախապատրաստություն չունեինք:

Երկրում այսօր գործում են մեկ տասնյակից ավելի հյուրանոցներ, մնացած ամեն ինչ փակ է: Հյուրանոցային հատվածն ամբողջությամբ ոչնչացված է, ոլորտն այլևս գոյություն չունի, 100 հազար մարդ գործազուրկ է հյուրանոցային ոլորտում, 200 հազար մարդ գործազուրկ է ռեստորանային հատվածում: Հուսով ենք, որ մեր հատվածը ապրիլի վերջին կունենա առաջին զարկը, մենք ուզում ենք դրան հավատալ», – հայտարարել է Շալվա Ալավերդաշվիլին: