Հունիսի 2-4-ը պաշտոնական այցով Վրաստան կժամանի Ուկրաինայի վարչապետ, Դենիս Շմիգալը:

Վրաստանի վարչապետի մամուլի ծառայության փոխանցմամբ, հունիսի 3-ին Վրաստանի կառավարության վարչակազմում տեղի կունենա դիմավորման պաշտոնական արարողություն: Ուկրաինացի գործընկերոջը կհյուրընկալի Վրաստանի վարչապետ, Իրակլի Ղարիբաշվիլին:

Նախատեսվում է վարչապետների դեմ առ դեմ հանդիպում, որից հետո բանակցությունները կշարունակվեն ընդլայնված կազմով: Իրակլի Ղարիբաշվիլին և Դենիս Շմիգալը հայտարարություններ են անելու լրատվամիջոցների համար:

Վրաստան կատարած պաշտոնական այցի շրջանակներում, Ուկրաինայի վարչապետը կհանդիպի Վրաստանի խորհրդարանի նախագահ Կախա Կուճավայի, ինչպես նաև Համայն Վրաստանի կաթողիկոս-պատրիարք Իլիա Երկրորդի հետ:

Դենիս Շմիգալը, պատվիրակության անդամների հետ միասին, հարգելու է Վրաստանի միասնության համար զոհված հերոսների հիշատակը և ծաղկեպսակով կզարդարի Հերոսների հրապարակում գտնվող հուշահամալիրը: