Հունաստանում ԵՄ-ի կողմից գյուղատնտեսական սուբսիդիաների ուշացման դեմ բողոքի ակցիայի ժամանակ ֆերմերների և ոստիկանության միջև բախում է տեղի ունեցել, հաղորդում է Reuters-ը։

Հարյուրավոր ֆերմերներ դուրս են եկել փողոցներ Հունաստանի տարբեր քաղաքներում և մի քանի շրջաններում տրակտորներով փակել են ճանապարհները։ Ինչպես հաղորդում է Reuters-ը, ոստիկանությունը արցունքաբեր գազ է օգտագործել Նիկայա քաղաքի մոտակայքում ֆերմերներին ցրելու համար։

Բողոքի ակցիայի պատճառը ԵՄ սուբսիդիաների ուշացումներն էին, որոնք սկսվել էին երկրում կոռուպցիոն սկանդալի հետաքննությունից։ Գործը վերաբերում է ֆերմերների կողմից հողի և անասունների սեփականության վերաբերյալ տեղեկատվության կեղծմանը՝ ԵՄ գյուղատնտեսական սուբսիդիաներ ստանալու համար։
Լրատվամիջոցների հաղորդագրությունների համաձայն, գործը ներկայումս քննության փուլում է։