Հունաստանում անտառային հրդեհների դեմ պայքարի ժամանակ ավիավթարի հետևանքով զոհվել են երկու օդաչուներ
Հունաստանում անտառային հրդեհները մարելիս ավիավթարի հետեւանքով երկու օդաչու է զոհվել, այս մասին գրում է «Reuters»-ը։
Հունաստանի պաշտպանության նախարարությունը հաստատել է, որ հրդեհի մարման ժամանակ Կարիստոս քաղաքի մոտ կործանված ինքնաթիռի երկու օդաչուները զոհվել են։
Ինչպես գրում են լրատվամիջոցները, ինքնաթիռն ընկնելուց անմիջապես հետո բռնկվել է, և չնայած հրշեջների ջանքերին՝ 34-ամյա կապիտան Խրիստոս Մուլասին և 27-ամյա երկրորդ լեյտենանտ Պերիկլես Ստեֆանիդեսին չի հաջողվել փրկել։
Օդաչուների մահվան կապակցությամբ Հունաստանի պաշտպանության նախարար Նիկոս Դենդիասը եռօրյա սուգ է հայտարարել երկրի զինված ուժերում, որը կտեւի հուլիսի 25-ից 27-ը։
Հունաստանն արդեն յոթերորդ օրն է պայքարում է անտառային հրդեհների դեմ, Հռոդոս կղզում 20 հազար մարդ է տարհանվել: Անտառային հրդեհներ են մոլեգնում նաեւ Կորֆու կղզում եւ Աթենքի մոտ գտնվող Եվբեա կղզում։