Հռոմի պապը պատվաստվել է կորոնավիրուսի դեմ

Հռոմի Ֆրանցիսկոս պապը պատվաստվել է կորոնավիրուսի դեմ: Պատվաստվել է նաև նախկին Պապ Բենեդիկտոսը: Համապատասխան տեղեկությունբը տարածում է Վատիկանի մամլո ծառայությունը:

84-ամյա Ֆրանցիսկոսը և 93-ամյա նախկին քահանայապետը պատվաստվել են պատվաստման ծրագրի շրջանակներում, որը Վատիկանում մեկնարկել է հունվարի 13-ին:

Ինչպես տեղեկացնում է «Ռոյթերը», 84-ամյա Ֆրանցիսկոսի թոքի մի մասը հեռացված է, ուստի կորոնավիրուսը կարող է վտանգ ստեղծել նրա առողջությանը:

Համավարակի ընթացքում Վատիկանում արձանագրվել է կորոնավիրուսի 27 դեպք: