Հրետանային գումարտակը վերջին դաշտային ուսուցումն է անցկացրել Օրֆոլոյում
Վրաստանի Պաշտպանության ուժերի երրորդ հետևակային բրիգադի 34-րդ հրետանային գումարտակը Օրֆոլո հրաձգարանում ավարտել է առաջադրանքային իրավիճակային վարժանքը՝ մարտական կրակոցներով։
ՊՆ-ից հայտնում են, որ հրետանային ստորաբաժանումը դաշտային վերջին պարապմունքն անցկացրել է գումարտակի մակարդակի ամփոփիչ մարտական կրակահերթով, հարձակողական և պաշտպանական գործողություններով։
Դասընթացը տևել է 10 օր և բաղկացած էր երեք փուլից։ Առաջին փուլը ներառում էր դաշտային ուսուցման պլանավորում, իսկ երկրորդ և երրորդ փուլերը նվիրված էին իրականացմանը և գնահատմանը:
Դաշտային պարապմունքների շրջանակներում կատարելագործվել են զինծառայողների գործնական հմտությունները, ինչպես նաև գումարտակի շտաբի և ենթակա ստորաբաժանումների համակարգված աշխատանքը։ Դասընթացը դրական է գնահատվել Արևմտյան հրամանատարության դիտորդների խմբի կողմից։